Askoz eragingarriago

Atzo Super-Sur delakoaren zati bat inauguratu zuten. Aurrekoan AHTren zati bati egokitu zitzaion Lukun. Madrileko tratuetan PNVk lortutako diruetatik zati bat Pasaiako porturako omen dira, eta UPNren abstentzioak ere badu bere irudia eurotan (15 milioi) Abiadura Handiko Trenaren Nafarroako zatirako. Errealitate horren zurrunbiloan harrituxe utzi ninduen El País egunkarian irakurritako informazio batek: “El Athletic se radicaliza”, non egunkari unionistak modu kritikoan azaltzen baitzuen Athletic-eko bazkide talde batek klubaren estatutuak aldatzeko aurkeztutako proposamena. Zergatik? aurkezleen artean Batasuna inguruko jendea zegoelako, Jone Goirizelaia barne. Nigan, ordea, guztiz bestelako eragina izan zuen: mundu hori ETAren eraginpetik kanpo antolatuta boterea eskuratzeko gai izango litzateke. Behin boterera iritziz gero AHT eralda daiteke, Super-Sur delakoari alternatiba bila dakioke eta Petronor-en publizitatea ken daiteke Athletic-en kamisetatik. Bien bitartean egunerokotasunak bere bideari ekingo dio.